Umiinit na Dibdib

Dibdib | Kardiyolohiya | Umiinit na Dibdib (Symptom)


Paglalarawan

Ang pangangasim ng sikmura, kilala rin bilang pyrosis, cardialgia, hearburn, o hindi pagkakatunaw ng asido ay isang tila nasusunog na pakiramdam ng dibdib, sa likod ng buto ng dibdib o sa epigastrum. Ang sakit ay kadalasang nararamdaman sa dibdib at maaaring kumalat hanggang leeg, lalamunan, o angulo ng panga.

Mga Sanhi

Ang pangangasim ng sikmura ay kadalasang sanhi ng paghiga o pagyuko. Ito rin ay maaaring sanhi ng pagkain ng mga pagkaing maanghang, o pag-inom ng alak. Ang nauulit na pangangasim ng sikmura ay isang sintomas ng oesophagitis, na kadalasang sanhi ng gastro-eoseophageal reflux disease (GORD). Gayunpaman, ito rin ay maaaring sintomas ng ischemic na sakit sa puso. Ang pag-init ng dibdib ay karaniwan sa mga buntis, at maaaring mapasimula ng pagkonsumo ng maraming pagkain, o ilang mga pagkaing may lamang mga pampalasa, mataas ang taba, o mataas ang asido. Kung ang sakit ng dibdib ay pinaghihinalaang pangangasim ng sikmura, ang mga pasyente ay maaaring sumailalim sa upper GI na serye upang kumpirmahin ang pagkakaroon ng acid reflux. Ang pangangasim ng sikmura o sakit ng dibdib pagkatapos kumain o uminom at mayroong kaakibat na hirap sa paglunok ay maaaring magpakita ng mga esophageal spasm.

Kasama sa mga sintomas ng pangangasim ng sikmura ang: mainit na pakiramdam (kadalasang nangyayari kaagad pagkatapos kumain, at pwedeng magtagal ng ilang mga minuto hanggang ilang oras), mainit na pakiramdam sa lalamunan (pwedeng mula sa iritasyon kapag ang mga laman ng tiyan ay umaakyat pabalik sa lalamunan), maasim o mapait na lasa sa bibig (pwedeng mangyari kapag ang mga laman ng tiyan ay bumalik paakyat sa lalamunan at maaaring maabot ang likod nito), kronik na ubo (kung ang mga asido ng tiyan ay bumalik sa lalamunan at nalanghap), pagsingasing o ibang mga sintomas na parang hika.

Pagsusuri at Paggagamot



Ang paggagamot ng pangangasim ng sikmura ay nakadepende sa sanhi. Ang mga gamot tulad ng H2 receptor antagonist o proton pump inhibitor ay epektibo para sa gastritis at GERD, ang dalawang pinakakaraniwang sanhi ng pangangasim ng sikmura. Ang mga antibiyutiko ay ginagamit kung mayroong H. pylori. ...