Namamaos na Boses

Lalamunan | Otorhinolaryngology | Namamaos na Boses (Symptom)


Paglalarawan

Ang namamaos na boses ay isang abnormal na pagbabago sa iyong boses na sanhi ng mga karamdam sa mga vocal cord ng voice box, o larynx. Ang mga vocal cord ay karaniwang bukas ngunit gumagawa ng mga tunog sa pamamagitan ng pagsasama-sama kapag ikaw ay nagsasalita, umaawit o humihimig. Habang iniiwan ng hangin ang mga baga, pinayayanig nito ang mga nakasarang vocal fold, nagpuprodyus ng tunog ng iyong boses. Kapag ang iyong boses ay namos, ito ay isang indikasyon na ang mga pagyanig ng mga vocal fold ay napipigilan ng mukosa, mga pamamaga, mga obstruksyon o ibang pagbabago sa kalatagan ng iyong larynx.

Habang ang kahit anong pagbabago sa kalidad ng iyong boses ay pwedeng tawaging paos na boses, ang mga katangian ng iyong boses ay pinakamadalas na inaapektuhan ng kalidad ng boses (pagprodyus ng magaspang, pilit o mabatong tunog), lakas (mahina o malakas, puro hangin, gumagalutok, nawawala o malakas), taas ng iyong boses (mas mataas o mas mababa, depende sa sanhi), o sa ilang kombinasyon ng mga katangiang ito.

Mga Sanhi

Ang pamamaos ng boses ay pwedeng sanhi ng mga sipon, trangkaso, alerhiya, pagsasalita o pagsigaw ng matagal, paggamit ng tabako o marijuana, ibang mga sanhi ng implamasyon, at sa ilang mga kaso, pagtubo sa lalamunan (mga cyst, nodyul, polyps o pati na rin ng tumor). Sa karagdagan, ang mga karamdamang reflux (pagdaloy ng mga asido ng tiyan at mga ensaymp na panunaw pataas sa iyong lalamunan) ay pwedeng magsanhi ng mga paso na maaaring gawing kang paos. Ang mga hindi masyadong karaniwang sanhi ay mga karamdamang neyurolohiko, karamdaman sa teroydeo o hormonal, at kanser na laryngeal. ...